Улс төрийн харилцаа

Дипломат харилцаа

Монгол Улс, Бүгд Найрамдах Сингапур Улсын хооронд 1970 оны 6 дугаар сарын 11-нд дипломат харилцаа тогтоосон.

1994 оны 12 дугаар сард Сингапурын Засгийн газар БНСУ-д суугаа Элчин сайдаа Монгол Улсад хавсран суухаар томилохоор шийдвэрлэснээ мэдэгдсэн. Манай улс 2008 оны 1 дүгээр сарын 28-наас Сингапур дахь Ерөнхий консулын газраа ЭСЯ болгосон.

Сингапур Улсаас Монгол Улсад хавсран суугаа Элчин сайд Эрик Тео 2019 оны 11 дүгээр сарын 7-ны өдөр ИЖБ барьсан.

Монгол Улсаас Сингапур Улсад суугаа Элчин сайд С.Энхбаяр 2021 оны 12 дугаар сарын 6-ны өдөр ИЖБ барьсан.

Харилцааны байдал

Найрсаг харилцаатай

Харилцан хийсэн гол айлчлалууд

Монголын талаас:

• Сайдын зөвлөлийн орлогч дарга Б.Шаравсамбуу 1990 онд ажлын айлчлал,
• Гадаад харилцааны дэд сайд Ж.Чойнхор 1994 онд ажлын айлчлал,
• Ерөнхий сайд П.Жасрай 1995 онд албан ёсны айлчлал,
• Ерөнхийлөгч Н.Багабанди 2001 онд төрийн айлчлал,
• Ерөнхий сайд Н.Энхбаяр 2002 онд албан ёсны айлчлал,
• Ерөнхий сайд Ц.Элбэгдорж 2005 онд Сингапурт болсон Азийн эдийн засгийн чуулга уулзалтад оролцоод, дараа нь ажлын айлчлал,
• Ерөнхий сайд С.Батболд 2011 онд албан ёсны айлчлал,
• Ерөнхийлөгч Ц.Элбэгдорж 2013 онд төрийн айлчлал,
• Гадаад хэргийн сайд Л.Пүрэвсүрэн 2015 онд ажлын айлчлал,
• Гадаад харилцааны сайд Д.Цогтбаатар 2019 онд ажлын айлчлал,
• Монгол Улсын сайд, ЗГХЭГ-ын дарга Л.Оюун-Эрдэнэ 2019 онд ажлын айлчлал,
• УИХ-ын дарга Г.Занданшатар 2020 оны 1 дүгээр сарын 19-25-ны өдрүүдэд ажлын айлчлал,
• Монгол Улсын Ерөнхий сайд Л.Оюун-Эрдэнийн 2022 оны 7 дугаар сарын 6-9-ний өдрүүдэд албан ёсны айлчлал,
• Хөдөлмөр, Нийгмийн Хамгааллын сайд Т.Аюурсайхан 2022 оны  12 дугаар сарын 6-9-ний өдрүүдэд Сингапур Улсад зохион байгуулагдсан Олон улсын хөдөлмөрийн байгууллагын “Ази, Номхон далайн бүсийн 17 дугаар чуулган”-д оролцоод, дараа нь ажлын айлчлал тус тус хийсэн.

Сингапурын талаас:

• Гадаад хэргийн дэд сайд Билахари Косикан 2012 онд ажлын айлчлал,
• Ерөнхий сайд Ли Сиен Лүн 2016 оны 7 дугаар сард АСЕМ-ын дээд хэмжээний уулзалтад оролцож, Монгол Улсад Төрийн айлчлал хийсэн.

Хоёр талын харилцааны механизмууд

Монгол - Сингапурын Парламентын бүлэг:

Дарга - УИХ гишүүн Х.Ганхуяг; Дэд дарга Т.Доржханд.

Гишүүд - УИХ-ын гишүүн Г.Амартүвшин,

Д.Бат-Эрдэнэ, Б.Баярсайхан, Д.Ганбат, Н.Ганибал, Г.Дамдинням, Х.Нямбаатар, С.Одонтуяа, Д.Өнөрболор, Б.Саранчимэг, Ж.Сүхбаатар.

Гадаад харилцааны бодлогын зөвлөлдөх уулзалт:

Бодлогын анхдугаар зөвлөлдөх уулзалт Улаанбаатар хотноо 2018 оны 9 дүгээр сарын 28-ны өдөр ГХЯ-ны ТНБД-ын түвшинд болсон.