Бүгд Найрамдах Сингапур Улсыг зорьж буй аялагчдын анхааралд!
2022-11-10
Бүгд Найрамдах Сингапур Улсад зорчих гэж буй иргэн Та дараах шаардлагыг хангахыг зөвлөж байна. Үүнд:
1. Вакцины гэрчилгээ: Сингапур Улсын хүлээн зөвшөөрч буй вакцин (1.Pfizer-BioNTech/Comirnaty, 2.Moderna/Spikevax, 3.AstraZeneca. 4.Covishield, 5.Janssen, 6.Sinopharm, 7.Sinovac, 8.Covaxin, 9.Novavax/Covovax/Nuvaxovid)-ний бүрэн тун (доод тал нь 2 тун)-д хамрагдсан тухай вакцины гэрчилгээ англи хэл дээр байх ба хэвлэн биедээ авч явах;
Сингапур Улсын хүлээн зөвшөөрсөн вакцины тухай мэдээллийг https://www.ica.gov.sg/enter-transit.../entering-singapore линкээс авна уу.
Жич:
− Сингапур Улс ОХУ-д үйлдвэрлэсэн Спутник вакциныг хүлээн зөвшөөрөөгүй болно.
− 2010 оны 1 дүгээр сарын 01-ний өдрөөс өмнө төрсөн хүүхэд вакцины шаардлагаас чөлөөлөгдөнө.
Хэрэв вакцины бүрэн тунд хамрагдаагүй бол:
− 13 болон түүнээс дээш насны зорчигчид Сингапур Улсад зорчихоос 48 цагийн дотор “Ковид-19”-ийн PCR (Polymerise Chain Reachion test) шинжилгээ хийлгэж, “сөрөг” хариутай байх. Шинжилгээний хариу англи хэл дээр байх ба аялагчийн овог, нэр, гадаад паспортын дугаар шинжилгээний хариутай таарч байх;
− Эрүүл мэндийн даатгалд хамрагдсан байх;
2. Гадаад паспорт: Доод тал нь 6 сарын хүчинтэй хугацаатай гадаад паспорт;
3. Хилээр нэвтрэх мэдүүлэг (SG Arrival Card): Сингапур Улсад ирэхээс 72 цагийн өмнө SG Arrival Card-т хувийн мэдээлэл, вакцинжуулалтын статус болон эрүүл мэндийн мэдүүлгээ бөглөсөн байх ба хэвлэн биедээ авч явах;
SG Arrival Card бөглөх линк: https://www.ica.gov.sg/.../entering.../sg-arrival-card
4. Е-Pass: Сингапур Улсын хилийг нэвтэрсэн иргэний гадаад паспортад хил нэвтэрсэн тухай тэмдэглэгээ тавихгүй бөгөөд түүний цахим хаягт Сингапур Улсад байх хугацааг заасан e-Pass (i.e. Visit Pass) ирэх ба энэхүү зөвшөөрлийг хэвлэн биедээ авч явахыг анхаарна уу.
Дэлгэрэнгүй мэдээллийг https://www.ica.gov.sg/.../roll-out-of-e-pass-to-all... -аас авна уу.
5. Хилээр нэвтрүүлэхийг хориглосон эд зүйлс, бараа бүтээгдэхүүн, тухайлбал, бохь, зажилдаг тамхи, хамрын тамхи, цахилгаан тамхи, буу, гар бууны хэлбэртэй асаагуур, салют зэрэг бараа бүтээгдэхүүнийг биедээ болон ачаа тээшиндээ авч явахгүй байх;
Хилээр хориглосон бараа бүтээгдэхүүний мэдээллийг: https://www.ica.gov.sg/.../entering.../what-you-can-bring
Монгол Улсаас Сингапур Улсад суугаа Элчин сайдын яам